Natatangi at Nag-iisang Ikaw

Maaga akong nagising ngayong araw, nagising sa kalabog ng bubong, sa tahol ng mga aso, sa ingay ng buong paligid. Ayaw ko pa sanang tumayo ng tuluyan, gusto pa sanang ipagpatuloy ang mahimbing kong tulog, ngunit aking naalala, ngayon nga pala'y kaarawan ng butihin kong ina. Tumayo ako bigla mula sa aking hinihigaan, tumuloy sa silid ng aking mga magulang. Nakita ko doon ang aking mga nakababatang kapatid kasama ang nakababatang kapatid rin ng asawa ng aking kuya, ang aking pamangkin, at syempre ang aking ina. Halos pikit pa ang aking mga mata, inis sa ingay ng mga asong nakagising sa aking diwa. HIndi pa ako makapagsalita kaya't nginitian ko na lamang muna ang aking ina, sabay tuloy sa aming likod bahay upang patahimikin ang mga asong nagiingay parin.

"pst! pakikuha naman yung nahulog na hinog na mangga!"

biglang sabi sa akin ng aming kapitbahay. Yaon naman pala ang narinig kong kalabog sa aming bubong, yaon na rin ang dahilan kung bakit walang tigil sa pagtahol ang aming alagang mga aso.

"ay, kaya pala maingay ee."

ang sabi ko sakanya, at daliang ibinigay sakanya ang manggang ipinapaabot. Pumasok na akong muli sa silid ng aking mga magulang. Itinanong ko sa aking ina kung nabasa na ba nya ang 'card' na ginawa ko para sa kanya.

"Oo, hinilo mo pa ako! Ang liliit ng sulat mo."

ang sagot nya sa akin sabay tawa. Ang 'card' na iyon ang tanging regalo ko sa aking ina sa kadahilanang wala akong oras upang ibili sya ng bagay na gusto nya. Simple man, ang mahalaga, sarili kong gawa at sa puso pa nagmula.

litrato ng 'card' na ibinigay ko sa aking ina.

Natatangi at Nagiisang Ikaw

Susubukan ko lamang gawin,
kung pangit ay 'wag akong sisihin.
Nais ko lamang iparating,
sa pamamagitan nito, laman ng aking damdamin.

Ilaw ng tahanan kung ika'y tawagin,
isang inang nagmamahal sa 'yong mga supling.
Nariyan ka lagi para sa amin,
winika mo, "para sa inyo, lahat ay gagawin".

Sa mga bagay na nakasakit sa 'yong damdamin,
kalimutan na sana at huwag ng isipin.
Hindi o sinadya man naming gawin,
Mahal kong ina, kami sana'y iyong patawarin.

Sa mga pagkakataong kami'y naging sawi,
sa di magandang salitang lumabas sa 'ming mga labi.
Sa lahat ng aming pagkakamali,
Oh aking ina, patawad muli.

Mga asal na itinuro mo'y mabubuti,
ipinagdarasal mo kami bawat gabi.
Hindi ko na alam anong maaari pang maisukli,
pangako na lamang hindi aalis sa iyong tabi.

Dalawampung taon ka na sa 'ming nagsisilbi,
inalagaan kami't maayos na pinalaki.
Kaya naman kung may hihigit pa sa "salamat ng marami",
para sa iyo, iyon ang aming ibabahagi.

Ngayon ay araw ng iyong kapanganakan,
kaya't bati ko sayo'y maligayang kaarawan.
Patawad at ito lamang aking nakayanan,
munting tulang laman nama'y katotohanan.

Dalangin ko ikaw ay makapagdiwang,
ng napakarami pang kaarawan.
Kalusugan mo sana'y alagaan,
ang iyong katawan ay pagkaingatan.

Sa mga araw pang daraan,
sa mga darating pang buwan,
sa mga taon pang lilipas ng dahan-dahan,
hiling ko para sayo'y kaligayahang lubusan.

Oh aming ina,
ikaw na ang "pinaka",
Hindi kailan man naisip ipagpalit ka,
maging sa kabila't kabilang buhay pa.

Oh mahal kong ina,
sa buhay ko ika'y natatangi't nagiisa.
Wala na akong masasabi pa,
kundi, mahal na mahal kita!

Iyan ang nilalaman ng aking munting handog para sa kaarawan ng aking ina. Ginawa ko yaan isang araw bago ang mismong 'birthday' nya. Simple man, sana siya'y aking napaligaya.

Ma, happy birthday. Isama mo narin ang mothers' day. hehe! Mahal na mahal kita, natatangi at nagiisa kong ina! :)

welcome to me! :D

hi bloggers! im a new member! and this is my first time to post here. this is even my first time to blog. and worst, i don't really know what to write/say. :))
i joined here because i have an inspiration. he's a blogger. i had read some of his blog, he's really good. and so i thought, why not join? why not try to share my experiences too? why not share my thoughts to others?
as a result, here i am!
i just hope, i have or i'll have something to share/say/write here. but, i'll try my best!
for now, let me just welcome myself first! :))

and oh, forgive me for the layout and all, it's still under construction. :D